Posted in 【FTM】學整嘢食

【湯】最忙的星期日:忌廉薯仔濃湯

又又又煮新嘢!

每逢星期日乜都自己做,但反而愈做愈起勁!摩打 run 開停唔到!!

因為之前買咗兩盒 whipping cream 都冇用過,所以就上網搵食譜用咗佢。

原來煮忌廉湯都會用到 whipping cream,所以就地取材,屋企有幾個薯仔,就用薯仔嚟煮啦!

我用咗兩個中型薯仔,半個洋蔥,兩盒250ml嘅雞湯,半盒 whipping cream (只需半盒!即係要再煮多次或煮其他嘢去用埋佢!)

做法都好簡單,先炒洋蔥,再落薯仔炒一陣,加雞湯,煮10分鐘左右,薯仔夠稔啦!就用攪拌機攪蓉,最後落啲鹽、黑胡椒粉同 whipping cream 攪勻就完成啦!

不過由於blend完啲薯仔仲好杰,所以加咗少少水。但係出嚟都係超級濃,或者下次只用一個薯仔,或者再加多啲水。

我覺得好好味喎!可惜冇人鍾意飲…一係就話濃咗啲。可能係因為我太鍾意食薯仔啦!😂

Posted in 【LIFE】2016, 【LIFE】飲飲食食

【FTM&待產生活】一日煮幾樣…

Max 豬今晚很早就睡覺了!大概是八時半之前,吃完晚飯後。

可能因昨天放學回家有午睡,至晚上十一時許才睡著,所以今日就特別累吧!

20160920_094056.jpg

由於前兩天都骨痛,有理由相信是因為身體裡的鈣都被肚入面的小 baby 吸乾了!
於是努力補鈣之餘又自己煮煮東西吃。 Continue reading “【FTM&待產生活】一日煮幾樣…”