Posted in 【LIFE】2019, 【Rex】成長記錄

2019之日常~2019.09.19(星期四) 愛寫字。去公園玩

20190919_101014.jpg

細佬真係好鐘意寫字!!亦都好鐘意睇住本書來讀。

雖然仍然係未認得D字, 但佢勝在唔怕醜, 自己作D語言出黎!

而家間唔中都會叫我幫佢影相, 例如見到D好我意既公仔, 又或者見我影緊佢, 就即刻扮個得意樣俾我影。

今日同佢去街就係咁啦~我地去左尖沙咀個遊樂埸玩, 估唔到人少到呢!可能因為係閒日, 雖然已經下午4點幾, 但附近冇乜學校。

20190919_161132.jpg

一去到冇耐已經有個哥哥問細佬可唔可以一齊玩!

呢個哥哥已經4歲啦!知道細佬唔敢行一條橋咁既野, 就鼓勵 + 夾硬迫佢行, 好攪笑。可惜哥哥好快就要走啦。

20190919_164603.jpg

之後見佢好似同個外藉既姐姐玩緊咁, 佢係度同人地講外星話, 人地可能見佢都唔知講乜, 怕左佢!

玩左一個鐘左右就返屋企, 好在有帶野食, 臨走果陣佢係咁要我抱, 通常都係因為肚餓!反而眼訓又未扭抱扭得咁緊要。

20190919_172306.jpg
好味~ 不過唔會飽

呢個新既 McQueen 水樽細細個好岩佢而家咩, 車左個 backpack 俾佢好鐘意, 出門口果陣係都要拎D無謂野擺入去…另外仲有幾架玩具車, 然而就 backpack 同水樽都話要自己咩!

Posted in 【LIFE】2017

兩兄弟去公園玩

Day 199
6 month 18 days
28 week 3 days

近來天氣不穩,前兩日還下很大雨。今日見天氣不錯,至下午三時許都一直天晴,於是便帶他們到公園玩。

Max 也有好多天沒去玩了!平時的運動只有星期六學游泳那50分鐘,和星期一學籃球的一個半小時,其餘時間大多數都沒有運動。

想試試讓 Rex 玩 swing,但似乎還不行呢!他一坐進去就跟一隻”蝦”一樣!彎著腰,整個背都是向後彎的。 Continue reading “兩兄弟去公園玩”

Posted in 【LIFE】2015

公園【欺凌事件】

昨天兒子上完普通話班之後,我們去了附近一個公園玩。
想想,已經接近星期沒有去公園了!
自從前陣子天氣不好…就沒去過。

去到的時候人不多,只有三、四個小朋友。
後來,附近一間幼稚園下課了,小朋友魚貫而入!

本來都好好的,突然看到兒子前面站了幾個該校男生。
更甚者是,其中一個頗高大的男孩伸起腳來,踢向兒子的大腿

更過份的是另一個男孩也以同樣的方式,把腳伸起來,踢了兒子兩下!!
一下在大腿,一下踢得更上!
我以為只是踢到褲子上面去,後來兒子告訴我是踢肚!!

雖然我看的出來,兩位男孩都不是很大力的踢。

但畢竟,這完完全全就是一件欺凌事件】!!

當下我已經立即奔跑過去!
但由於我坐得有點兒遠,只能一邊跑一邊眼巴巴的看著事情發生!

快跑到前面時,我把他們叫住,問:「你們剛才做甚麼?」
他們都默不作聲,我再說:「你們為甚麼要踢人?你們不可以用腳踢人!快向小朋友道歉!」

先是那位高大的男孩向兒子道歉,然後到踢了兩下的男孩說對不起
當時後者還想逃走呢!

那時候,兒子已經走過來我這邊,很害怕似的,想我來幫他!
幸好,我發現到這情況,而且已經在幫他了!
兒子跟我說:「幸好我沒事!」
我感覺到,兒子有點害怕,有點慌張!
但仍然裝出一副「我無事」的態度!
媽媽真為你自豪!
(後來問兒子的感受,他說只有生氣,沒有害怕。但我相信他一定是有點嚇怕)

作為父母的,遇到這種情形,那種心情太難形容!

即使我明白到,小朋友,尤其男生都是比較粗魯,而且愛動手動腳。
但也不至於可以踢人呀!!!玩都要有分寸。
即使對方行為有問題,也未至於要動手動腳吧?!
如果你打我,我又打你,豈不是變成打架了!?

有一剎那想過要找他們的家長,但又想到,男孩子的性格。
也想到,年紀始終都是很少吧!
所以還是算了吧…..!

我只是喝止他們,要他們知道這種行為是不應該的!
更重要的是,他們實際上傷害到了另一位小朋友!
即使沒有實際損傷,也必須要向對方道歉

不可以以為背地裡做出不妥當的行為就無問題!
人人都有父母!父母不管教你們,不代表所有父母都不管教!
小朋友比較善良,不代表你就可以欺負他!
看不見其他小朋友的父母,也不代表你就可以欺負他們!

事後問過兒子,他說高大的男孩踢他的時候說了一句:「你這樣是不對的。」兒子說他沒有對他們做過任何事,也沒有對他們講過任何說話,那時候就只是正在玩。

我絕對相信兒子。
即使他隱瞞了些甚麼,他也不會打人,踢人。
這些行為就只會對爸媽做=”=
一直都教兒子,無論任何情況都不應該打人。
即使對方推你,打你,都不可以。
否則,一埸打鬥就會開始!
這是我最討厭見到的!我憎恨動粗的人!

我教兒子的做法是:必須要大聲叫他們不要這樣做!
例如「你為什麼推我?你不可以推我的。」之類。

今次,我也跟他這樣說。
如果對方肯道歉,當然就沒事。
如果還要踢,就要大聲叫媽媽,或者老師來幫忙。
如果對方不說話而走開了,那就算了,原諒他們。
除非受的傷不輕!否則就不要計較了!只要對方停手。

雖然會生氣,會受傷。
但也要學懂原諒別人。
前提是,傷害人的一方知道做錯了!

今次的兩位男孩未必知錯,但已經「教訓」了他們兩句,就算了!
他們又不是我的孩子。
我只想不希望這類型「欺負」別人的孩子繼續在這裡欺負別人,要他們知道不能這樣做!

Posted in 【LIFE】2011

星期六收工去公園玩

2011年11月5日 (星期六)

收半晝, 1點。

返到屋企, 阿B出左街, 冇耐就返黎。原本都打算帶阿B去公園玩, 不過有某個原因令我一定要落實執行! 所以就帶左阿B搭小巴去公園玩啦!

 2011110501
一去到, 緊係打韆鞦啦!! 阿B至愛!!

落車時有好人幫我拎架BB車。(走果時又有好人幫我拎部車上車) 比較唔同既係呢兩次都係男士!

好多謝佢地!

去公園前其實阿B想想地訓覺, 但都玩左成個鐘左右! 因為去完一度玩完再去第二邊玩! 咁我俾佢拖住我自己行啦, 佢就行左去SWING度, 我知佢想玩就放佢上去玩, 佢笑得好開心!!! 我都好開心呀!! 阿B開心真係令我超開心!!

玩到成身汗, 5點多D就走啦! 今日好熱呀!!

未上小巴佢已經訓著左啦! 仲要係好累果隻~

20111105022011110503

玩得好開心呀~ 

2011110504
其實阿B不太ENJOY玩滑梯….

2011110505
玩到唔想走咁呢~~!